Atanukan 1 - KA INNIUT TSHAKAPESH
Ume tshetshipanit atanukan eshku eka apashuht rnishta-mishkumit. Katshituashu, tshitshue ka mishishtit katshitusseu, nipaimeu Tshakapesha utauinua kie ukauinua. Ekue uepinat umanishisha anite ka taniti nenua Tshakapesha, nete kunit. Ekue mashkutshit. Umisha nanatuapamiku, ekue mishkakut ekue tshitshishkuteuenikut anite pessish ishkutet. Tshassikut ekue tshinipi-nitautshit. Nenu eshinniut minakanu : manitu-shutshishiunnu e mashkatenitakuannit. Ekute tshe ut tshitshipanit e uauetinat innua, e tshishkutamuat, e nashakaniti takuaimatsheuna, e nashakaniti tshitimauenitamuna mak e mimupit.
Atanukan 2 TSHISHPEUAUSHU TSHAKAPESH
Ui tshishpeuateu Tshakapesh uikanisha katshi nipaiakanniti. Ekue nanatu-uanakaiat, ekue nikamututuat e mishta-tshikauet nenua uikanisha ka nipaianiti. Mashkua ka uishkushtenishiniti, mashkua ka tshishtemauapuniti kie nenua uapashkua petaku uashamat muku ekue tshiuetishauat. Ekue takushinit Katshituashku. Ekue tshi tutuat Tshakapesh, tshi nipaieu. Ekue tshi tutak mamitshet tshekuana nenu ashit katshituashkua uianu.
Atanukan 3 KA TUANANUT
Tshakapesh petueu auennua mietueniti, ekue shatshuapamat metikat. Uiapamat Matshinnua, tuanua ashit mashkua ushtikuannua eshku tshi makuatitshenua. Katshi tshishiStuaht ashit nenua Matshinnua, elcue tshiuetaiat peiku nenua tshe uitsheuak.anitutuat. Tshe ukupaniemit netauti, eku nenua kutaka tshe uitshimaniti umisha.
Atanukan 4 E ESSENANUT
Tshakapesh uishamaku Matshinnua tshetshi uitshi-nataumat, e akuanat amishkua anite nipit. Shash tshissenimeu nenua ua kushapepitikut. Kassinu etashiniti amishkua ekue unuitishinat anite nipit. Ekue kukuetshimat umisha tshetshi piminueniti tshe makusheht kie mamu tshetshi nimiht, etamishkuaht metapeniti kanatauniti. Matshinnuat nashueuat tshetshi katshitinaht utamishkumuaua, tshek ekue puniaht.
Atanukan 5 USHIKUSHA TSHAKAPESH
Apu pishitshiat umisha Tshakapesh, iapit natshi-natshishkueu Atshenishkueua kie nenua Atshenishkuessa e nishiniti, kashkashkauenua atikuiana. Kushtikushiu ne ukaumau, Maminiteieshkueu mueu innua. Atshenu an, mueu innua. Mishkut nenua utanisha apu muaniti innua. Ne ukaumau mueu napeua pieshuapamikut, eukuannu uet eka tshi rnishku-nipauniti utanisha. Tshakapesh ekue tshi tutuat tshetshi eka taniti Maminiteieshkueua ka ui mukut, ekue tshiuetaiat e nishiniti nenua ishkuessa, peiku nenua tshetshi uitsheuakanitutuaniti umisha, eku nenua kutaka utishkuema.
Atanukan 6 MISHTAMEKu
Niatshi-kusset Tshakapesh, kumiku mishtamekua. Ekue tepuatat urnisha, e mishta-mamitunenirnat ekue petuat petishkakut pakunu-mitunenitshikanit. Umisha ekue kushkataniti nenua namesha. Uanameshet, ekue unuipanniti ushtesha. Nanitam shutshiteieshkueu ushtesha at shuku eka pishitshikuti.
Atanukan 7 TIPISHKAU-PISHIMUT
Tshakapesh ui atutaieu uikanisha nete pishimut, anite ut ishpirnit ui nakatuenirneu kie ui uauitshieu innua. Ekue tshi nakuatat pishimua, ekue nanitam tipishkanit, ekue eka minuenitaminiti umisha. Nenu anu uet apishashinit unitutshakan uetinak, eukuannu patush katshi apikunat pishimua eukuan patush etishikat male e tipishkat.
