Ekue tshimikauat uatshinakana, mitshashkushinua nenua. Nutim nenua apatshieu eshkuashkushiniti ekue tashkauat tshetshi tutuat utatshapia mak akashkua.
Ekue tshiuetaiat anite uitshuat. Tekushinit anite uitshuat, ekue tshiminat nenua utatshapia mak uakashkua anite patshuianitshuapit, ekue itat nenua umisha tshetshi pitukaianiti.
Uiapamat nenua eshpishtiniti atshapia kie nenua eshkuashkushiniti akashkua, ekue itikut nenua umisha: « Usham mamishishtuat tshetshi pitukaiakaniht anite patshuianitshuapit kie tanite tshe ut tshi apatshitau anat ? »
« Nika tshi apatshiauat », iteu Tshakapesh.
Katshi pitukaiat ekue issishuet: « Anutshish nika nanatunikutshashueten. »
Innu-auassat tshishkutamatishuat e tshitapamaht kie e tshissinuapamaht uikanishuaua eshakurnitshishikua, e natauht anite uashka umatakapuat eiapishissishiniti aueshisha.
Ishpitenitamun, eukuan ne iapit tshe ui nishtutamut, tshe ui nishtuapatamut aueshish umitunenitshikan. Tshitshue kanataut kassinu nishtuapamepan aueshisha eitiniti kie nenu eishi-tshishikanit tshe nataut. Mate nanikutini, ne kun eshi-sheuet, ekue ushimuht anitshenat atikuat. Kanataut nanitam minuashinua urnatshunishima iapashtaht eshpish ishpitenimat atikua, nenua tshe nipaiat.
