Uetshipanit ne atanukan, eshku anite mishta-mishkumit ka tatau ute nutshimit. Uauinakanu Tshakapesh tan ka-aitit tshetshi metshiat Matshi-innua tshetshitatau ussi-innu. Kie tshe-ishi-takuaimatak auen utinniun tshetshi minuenimunanut. Mishta-aianashkat ut ashu-tipatshimunanun atanukana. Tshekat unitina anutshish kashikat. Ka-utinakanitau uikanishimau utauassimuau tshetshi pitukaikaniht anite kakanuenimakanit auassat. Eka ashu-minakaniht innu-aitunnu, ka tshitaimuakaniht tshetshi innu-aimitau, eukuan ne uet punipanit e ashu-patshitinikanit innu-tshissenitamuna kie nenu atanukana. Mishta-apitin tshetshi kau petamaku atanukana eshpish uenutashimakat kie tshetshi eshku tshissinuaimakuaiku kashikat.
